Prière d'un détenu ZVZ Richelieu
Mo ti pe asize dan prizon parmi mo bann frer.
Nou ti pe rakont nou lavi,
Ena ki droge,
Ena ki malad,
Ena ki pena mama papa,
Ena kinn perdi fam ek zanfan,
Ena ki pa gagn vizit. Malgre tou sa soufrans la,
Nou ti pe koz lor pa bes lebra.
Ena enn zour nou pou sorti,
Ena pe dir : « Bondie avek nou »,
Ena dir : « Manz ar to lapriyer ».
Lot la dir : « Malgre to pa gagn vizit, mo pou aste enn gato pou twa, si to pena linz mo pou donn twa.
Eski li vre seki dimoun dir lor nou : sex, ladrog, prostitision…
Enn koze ki dimoun dir : « dan prizon se lanfer ».
Kan mo mazinn mo lavi dan prizon se lanfer pou seki anvi viv dan lanfer.
Pou mwa seki Bondie in donn mwa se enn nouvo nesans e enn nouvo regar anver mo prosin.
« Aime ton prochain comme toi-même ».
« Aimez-vous les uns les autres comme je vous ai aimés ».
« Vous êtes mes enfants. Partagez ma paix et recevez ma paix ».
Tu dois avoir confiance en toi.
Pardonne à qui te fait souffrir.
Apporte ta contribution à ton pays pou demin to zanfan kapav ena enn lavenir
Merci mon Dieu.
Jean-François Jerry R.